Rusiye ordusı oraq ayınıñ 7-ne keçken gecesi Ukrayinağa 101 Şahed pilotsız uçaqnı ve dron-imitatornı, dört S-300/400 zenit raketasını uçurdı, dep bildire Ukrayina Silâlı quvetleriniñ Ava quvetleri.
Atışlar Millerovo ve Primorsk-Ahtarsk yönelişlerinden, em de işğal etilgen Qırımnıñ Çauda burnundan yapılğan.
"Saat 09:30-ta olğan malümatqa köre ava mudafaası quvetleri tarafından memleketniñ şimalinde, şarqında ve cenübinde 75 "Şahed" tipindeki duşman dronları yoq etildi, 17 REB tarafından bastırıldı", — dep bildire komandanlıq.
Arbiyler 10 yer urulğanını ve yedi yerde urulıp tüşürilgen dron parçalarınıñ tüşmesini qayd etti
Yerli akimiyet ve Fevqulâde vaziyetler devlet hızmeti Odesada bir kişi elâk olğanını ve Dnєpropetrovsk vilâyetinde eñ azından üç kişi yaralanğanını bildire.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
