Rusiye Federatsiyasınıñ Pskov vilâyetinde sert rejimli koloniyada tutulğan qırımtatar Appaz Kurtametni ilk yaz ayınıñ 18-28 künleri — on kün — ceza izolâtorında tuttılar. Bu aqta onıñ anası Ayşe Kurtamet bildirdi.
Onıñ aytqanına köre, ŞİZO-ğa yerleştirmek içün sebep yoq edi.
“Appaz genç, terbiyeli ve yahşı niyetli bir oğlan, etrafındaki insanlarnıñ yaramay munasebetinden iç bir vaqıt şikâyet etmedi. Amma apishanelerniñ qaideleri öyle ki, bütün horlav ve aşalav usulları "mümkün" sayıla. Apishanelerde 10 kün devamında bir kişilik kameralarında çıplaq taban, tam bir aşalav içün igrenç şorba bulanığınen ara-sarı planlaştırılğan izolâtsiya keçirile ve bunıñ içün sebep bile kerekmey. Matras tek gecelik kirsetile edi — bu, müsbet şeylerden biri edi. Ekinci — kitap oquma imkânı", — dep yazdı o.
2023 senesi çeçek ayınıñ 20-nde Rusiye qurğan Aqmescitniñ Kiyev rayon mahkemesi 2022 senesi iyul ayında Herson vilâyetindeki memuriy sıñırda hırsızlanğan qırımtatarı Appaz Kurtametni "Qırım" göñülli batalyonına maddiy yardım köstergen iddiası ile 7 yıl apis cezasına mahküm etti.
2023 senesi arman ayınıñ 29-nda Rusiye kontrolindeki Qırım Yuqarı mahkemesi Appaz Kurtametniñ ükmüni deñiştirmedi.
Qırımtatar faali Elmaz Qırımlınıñ Facebookta yazğanına köre, Rusiye tahqiqatınıñ versiyasına köre, Kurtamet daa soñra bilgenine köre, "Qırım" batalyonında hızmet etken bir dostuna 500 ğrıvnâ bergen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
