Link açıqlığı

Saatnıñ esas haberi

Kıyivde qırımtatar jurnalisti Osman Arifmetovnıñ apis kündeligi taqdim etilecek


Osman Arifmetov
Osman Arifmetov

Oraq ayınıñ 9-nda Koyivde Rusiye Federatsiyasında mahküm etilgen qırımtatar cemaat jurnalisti Osman Arifmetovnıñ kündeligi taqdim etilecek.

“ZMINA” neşriniñ yazğanına köre, Osman öz kündeliginde bir çoq kamera ve uydurılğan tahqiqat malümatlarını, mabüslerge yapılğan maneviy ve fizikiy zulumnı tarif ete.

Osman Arifmetov — jurnalist ve faal — qırımtatar faalleriniñ mahkeme esnaslarınıñ tarihçısı. 2019 senesi "terroristik faaliyet" davası boyunca apiske alındı. Uquq qoruyıcılarnıñ fikirince, qabaatlavlar uydurılğan. Yedi yıldan berli qırımtatar Rusiye apishanesinde buluna.

"Onıñ başına kelgen kergin şaraitlerge baqmadan, Osman imanını, sağlıq mantığını ve ince istizanı saqlap qala, onıñ yazıları ise ümüt ve halqınıñ taqdiri içün yañı küreşke azırlıqnen tolu", — dep aytıla haberde.

Tedbir vaqtında çıqışta bulunacaqlar:

  • Oleksandra Yefimenko — ukrayin jurnalisti, 2017 senesinden 2021 senesine qadar Qırımda çalıştı, insan aqlarınıñ bozuluvı mevzusınen oğraştı.
  • Mariya Gorbaç — edebiy muarrir ve terciman, jurnalist ve maarifçi.
  • Tetâna Peçonçik — ZMINA insan aqları merkeziniñ idare reisi.
  • Radek Peh — Çeh Cumhuriyetiniñ Ukrayinadaki fevqulâde ve salâhiyetli elçisi.


Taqdim etüv oraq ayınıñ 9-nda saat 18:00-de "Sens" kitap tükânında (Kıyiv, Hreşçatık 34) olıp keçecek.

2019 senesi saban ayında Rusiye quvetçileri Qırımda qırımtatar faalleriniñ, hususan "Qırım birdemligi" cemaat birleşmesi vekilleriniñ evlerini tintti. Umumen 24 insan tutuldı, aralarında vatandaş jurnalistleri Osman Arifmemetov, Rustem Şeyhaliyev, Remzi Bekirov. 2019 senesi saban ayınıñ 27-nde ve 28-nde Aqmescitteki Rusiye mahkemesi tutulğanlarnı apiske aldı.

"Memorial" aq qorçalayıcı merkezi 2019 senesi saban ayınıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.

2022 senesi boş aynıñ 24-nde Rostov-na-Donudaki Cenübiy arbiy okrugınıñ mahkemesi mabüslerni terror faaliyetinde ve akimiyet zapt etmege tırışqanlarında qabaatladı. Faaller Enver Ametov ve Yaşar Muyedinov 13 yıl sert rejimli koloniyada, vatandaş jurnalistleri Ruslan Suleymanov, Rustem Şeyhaliyev ve Osman Arifmemetov 14 yıl koloniyada qalmasına üküm etildi. Mabüsler 4 yılnı apishanede keçirecek, soñra daa 1 yılğa areket serbestligi sıñırlanacaq. Mabüsler özüni qabaatlı olaraq tanımayıp, siyasiy taqip olğanını tüşüneler.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
XS
SM
MD
LG